close
تبلیغات در اینترنت
متن نوحه های آذری
loading...

کامپیوتر دلیران شهرستان شبستر

  سنه من قانه باتان ای دیرم سینووی لاله لره تای دیرم داش اتانلاردان اگر اولسا امان توکرم گوز یاشی لایلای دیرم قره معجرلریمون وای گونونه صود امر اصغریمون وای گونونه شرف الناسیم اویان            گوزل  عباسیم اویان سرویمون لطمه دگوب خوللارینا توکولوب…

خرید کامپیوتر

متن نوحه های آذری

احمد دلیرگلی بازدید : 66107 پنجشنبه 20 مهر 1391 نظرات ()

 

سنه من قانه باتان ای دیرم

سینووی لاله لره تای دیرم

داش اتانلاردان اگر اولسا امان

توکرم گوز یاشی لایلای دیرم

قره معجرلریمون وای گونونه

صود امر اصغریمون وای گونونه

شرف الناسیم اویان            گوزل  عباسیم اویان

سرویمون لطمه دگوب خوللارینا

توکولوب قانی شرف یوللارینا

سنی اکبر جانی کیمدن سوروشوم

نه گلوب قارداشیمون قوللارینا

من ئوپن قاره گوزوندن اوخ ئوپوب

داش. گوزل سینووی مندن چوخ ئوپوب

شرف الناسیم اویان            گوزل  عباسیم اویان

دئمورم قارداشووام گویلومی ال

دئمورم دور گئدک اخیامیده قال

دیورم دشمنی گولدورمه منه

کسیلن قوللاریوی بوینوما سال

صاق گوزوندن توکولن قانه قسم

ایاقیم خیمیه گلمور قئیدم

شرف الناسیم اویان           گوزل  عباسیم اویان

یارالی باشووه قربان اولانیم

گوزووی اچ باشیووا من دولانیم

نجه سنسیز گئدرم خیمه لره

ئوزون انصاف ائله ای قهرمانیم

گوزووه پرده چکوب قان یارالی

نیه بو حاله قالوبسان یارالی

شرف الناسیم اویان        گوزل عباسیم اویان

بویاما گل یوزووی گوز یاشووا

دیله گل ایله بیان قارداشووا

سنی زهرا ننمون جانی دانیش

نه اغیر یاره ووروبلار باشیووا

ئورگین اودلادیلار قارداشووین

بلیمی اگدی یاراسی باشووین

شرف الناسیم اویان              گوزل عباسیم اویان

اسمان باشیمه غم گردی الور

سینمی ماتمووین تیری دلور

نقدر اختارورام یوخدی ننم

باشون اوستن ننمون عطری گلور

بو مبارک ئولومین وار نه غمی

خوش سنون حالووه گوردون ننمی

شرف الناسیم اویان           گوزل عباسیم اویان

برگزیده از کتاب برات عاشورا اثر چهارم حسین غفاری اردبیلی

 

*********************************************************************

«حسینه یرلر آغلار گویلر آغلار                              بتول و مرتضی، پیغمبر آغلار»

حسینـون نوحـه‌سین «دلـریش» یازاندا                     مسلمـان سهلدیـر کــه کافـر آغـلار

کوراولمیش گوزلرین قان دوتدی شمرین                  کی گؤروسون اؤز الینده خنجر آغلار

حسینــون کؤینگــی زهــرا الینــده                            چکـر قیحــا قیـامت، محشـر آغـلار

آتانـــدا حرملــه اوخ کــربـــلاده                                 گؤریدین دشمـن آغـلار، لشکر آغلار

قـوجاقینــدا، گؤریــدین امّ لیـــلا                                آلــیب نــعش علــیّ‌اکبــر آغـــلار

 رباب، نیسگیل دؤشونده سوء گؤرنده                      علــیِّ‌اصغــری یــاد ایلــر آغـــلار

باشینــدا کاکــل اکبــــر هـــواسی                               یل آغـلار، سنبـل آغـلار، عنبر آغلار

یازانـــدا آل طــه نوحـه‌سین مــن                              قلـم گـوردوم سیزیلـدار، دفتـر آغلار

علـی، شقّ‌القمـر محـراب تیلیت قان                          قولاق وئر، مسجد اوخشار منبر آغلار

علیــدن، شهریــار، سن‌بیــر اشـاره                            قوجاقــلار قبـری، مالک‌اشتـر آغـلار

************************************************************************

 

زینبیـم گـل عـلمـداریـم اؤلــدۆ

با شهامت سپهــداریـم اؤلــدۆ

منتظر قالماسێن شیرخواریـم

قهــرمـان-ی-وفـاداریـم اؤلـدۆ

 

 

هم ساغێندان گئچیب هم سوْلۇندان

دؤنمئییبدیر ولی حق یوْلۇندان

سینه‌سی اۆسته پرچم اسیردی

قان سۆزۆردۆ یئره هر قوْلۇندان

زینبیم گل علمداریم اؤلدۆ

 

قان بۇ غمده گره‌ک قلبه دوْلسۇن

وار یئری گۆل گۆلۆستاندا سوْلسۇن

خئیمه‌سینین یاتێردێن ستونین

قارداشێم اؤلدۆ باشۇن ساغ اوْلسۇن

زینبیم گل علمداریم اؤلدۆ

با شهامت سپهداریم اؤلدۆ

 

یاندێرێر قلبیمی اوْخ سؤزۆنده‌ن

ماجراسین ائشیتدیم اؤزۆنده‌ن

گوئیا تلّه ساری باخێرمێش

اوْخ دگیب ناگهان ساغ گؤزۆنده‌ن

زینبیم گل علمداریم اؤلدۆ

 

سینه‌سی یاره‌لی باش یارالێ

ائیله‌ییب آلنێنێ داش یارالێ

حقّی وار اؤلمه‌گه گؤرسه قارداش

جان وئریر تئشنه قارداش یارالێ

زینبیم گل علمداریم اؤلدۆ

 

اوْخ دگیبدیر اوْلۇب مشگی پاره

مشگینه آغلئیور گؤزده یاره

غئیرته باخ اوْ حالتده گؤردۆم

آختارێر اصغره راه-ی-چاره

زینبیم گل علمداریم اؤلدۆ

 

گؤردۆم آغلێر دئییر جان رقیّه

یوْللارا باخما حئیران رقیّه

گئت ربابه دئنه‌ن باغلا قاره

اصغره یوْخدۇ درمان رقیّه

زینبیم گل علمداریم اؤلدۆ

 

پرچمین ساخلئیوب سینه اۆسته

گوئیا گۆل دۇرۇب دسته دسته

گؤرجه‌یین ایسته‌دی قالخا یئرده‌ن

پئیکری یاره‌لی خسته خسته

زینبیم گل علمداریم اؤلدۆ

 

یات دئدیم یات ادبلی وزیریم

یات شرافتلی غئیرتلی شیریم

نئیلیره‌م گۆنده باتسا باتێبدێر

باتدێ علقمده ماه-ی-مُنیریم

زینبیم گل علمداریم اؤلدۆ

با شهامت سپهداریم اؤلدۆ

*********************************

 

نگار نازنین آقام حسین حسین

نگار نازنین          اقام حسین حسین

بهار دلنشین          اقام حسین حسین

امیر ملک دین          اقام حسین حسین

امان امان امان علملرون اسور

اسنده پرچمون قراریمی کسور

……………………………….

سینونده اصغرون          گوزل ستاره دی

دگوبدی اوچ پر اوخ          بوغازی یاره دی

عطرلی تربتی          مریضه چاره دی

امان امان امان وفالی اصغرون

باتوبدی قانینه یارالی اصغرون

……………………………….

عزالی قلبیوه          عزالی لر فدا

یارالی سینووه          یارالی لار فدا

وفالی اوغلووا          وفالی لر فدا

دگنده اوخ سنه مناده تیتره دی

شرفلی اکبرون عباده تیتره دی

……………………………….

دئدون بو اوخ بو من          الهی راضی اول

بو مقتلیم بو سن          الهی راضی اول

بو من بو باش کسن          الهی راضی اول

صدا گلوب حسین جنان سنونکیدی

منیم نئیم واریم اینان سنونکیدی

……………………………….

یارالی باشیووی          قویاندا تپراقا

توکولدی عرشیدن          فرشته لر اقا

نماز عشقووه          مناده باخماقا

یارالی سینووه فلکلر اغلادی

سوزنده گوزلرون ملکلر اغلادی

********************

 

 

قاسم ای قارداشێم یادگاری

وی حسینون گؤزل غمگساری

گلمیشه‌م آچ گؤزۆن داده قاسم

یاتما بۇ غملی صحراده قاسم

نوجوانیم بالا باغرێ قانێم (2)

 

گلدی ادرک سسون خئیمه‌گاهه

اوج ائدیب ناله‌لر مهر-وْ-ماهه

خورداجا قێزلارێن سوز-ی-آهی

دوْلدۇرۇب عرصه‌ی-ی-خئیمه‌گاهی

نوجوانیم بالا باغرێ قانێم (2)

 

باغریمی ائیله‌دی فرقتون قان

باشێوێن اۆسته گلدیم شتابان

حئیف اوْلا ائی جوان-ی-دلاور

جیسمیوی دوْغرئییب قوم-ی-کافر

نوجوانیم بالا باغرێ قانێم (2)

 

ای منیم خئیمه‌مین چئلچیراغی

جیسمیوی محو ائدیب آت آیاغێ

سینه‌وی چاک ائدیب نئیزه خنجر

دوْغرانێب پئیکرون مثل-ی-اکبر

نوجوانیم بالا باغرێ قانێم (2)

 

آز منی نار-ی-هئجره آلێشدێر

حقّه خاطیر منی بیر دانێشدێر

مُحنتون ائیله‌ییب دل شیکسته

آز قالێر جان وئره‌م باشۇن اۆسته

نوجوانیم بالا باغرێ قانێم (2)

 

قامتون گلمیر الان قییامه

نعشیوی حمل ائده‌م تک خییامه

دوره‌ده دوشمن ائیلیر شماتت

یوْخدۇ منده داخی تاب-وْ-طاقت

نوجوانیم بالا باغرێ قانێم (2)

 

اوج ائدیر ناله نای-ی-دلیمده‌ن

یالقۇزام دور بالا دۇت الیمده‌ن

خئیمه‌گاهه گئده‌ک باری باهم

عمّه‌وی رام ائده‌ک باری باهم

نوجوانیم بالا باغرێ قانێم (2)

 

دۆشمۆسن گۆلشنه لاله مثلی

قان یۆزۆنده دۇرۇب ژاله میثلی

آچ گؤزۆن باخ منه باغرێ قانه‌م

گۆللـری تئز سوْلان باغبانه‌م

نوجوانیم بالا باغرێ قانێم (2)

 

قان آخێر پیکروندان مینایه

فئدیه‌سن دین-ی-حقّ-ی-خدایه

جان بالا سن منیم یاوه‌ریم‌سن

فرقی یوْخ سن منیم اکبریم‌سن

نوجوانیم بالا باغرێ قانێم

****************************************

 

نوحه قتلگاه شهادت امام حسین (ع)

الله  الله  کربلایه قان یاغور

بیر غریبین اوستونه پیکان یا غور

یا حسین * یاحسین * یا حسین

قان توکن لشگر مجاز او ستونده دی

اهل کوفه امتیاز اوستونده دی

فاطمه اوغلی نماز اوستونده دی

جسمینه اوخ نیزه هریاندان یاغور

یا حسین * یاحسین * یا حسین

رحم یوخ اعدای کفر اوازه دن

اوخ وران گئتمور ورور داش تازه دن

پیکر قران چخوب شیرازه دن

صفحه صفحه مقتله قران یاغور

یا حسین * یاحسین * یا حسین

زاده ی پیغمبر ایستور جان وئره

عالم معنا دگوبدور بیر بیره

هی ملکدور کی انور گویدن یره

تپراقا هر لحظه مین بحران یاغور

یا حسین * یاحسین * یا حسین

بیر قوجا سید انا العطشان دیور

قان ایچینده ذکر ارحمان دیور

گویده اوخلار سس چکور قان قان دیور

اوخ دئمه گویدن یره باران یاغور

یا حسین * یاحسین * یا حسین

صحنیه حیران باخور اهل سما

گوزلریندن هی اخور اشگ عزا

ایسلانوب دامان سرخ کربلا

نینوایه گوئیا نیسان یاغور

یا حسین * یاحسین * یا حسین

خیمه لرده ناگران دللر اسور

قتلگاه اوسته قرا یللر اسور

قاتل ایستور باش کسه اللر اسور

شمر الیندن فتنه و عصیان یاغور

یا حسین * یاحسین * یا حسین

یوز دوتوب زینب سوسوز قارداشینه

دور حسین باخ با جیوین گوز یاشینه

گور نلر گلدی حرملر باشینه

باشیمه خاکستر هجران یاغور

یا حسین * یاحسین * یا حسین

برگزیده از کتاب رجزهای حاج ولی الله کلامی زنجانی

*******************************************************************************************************************

حال احتضار حضرت زینب سلام الله

*****

زینبون پاک ادی حلال مشاکل دی بیزه

نظر لطفی اونون شکر اولا شامل دی بیزه

وار یقینیم کی بو مجلس ده مقابل دی بیزه

گیمیشوک قاره سینی مجلس غم برپادی

زینبیه ائله عاشقلره عاشورادی

*****

کیمدی زینب سوزی مصداق هدایتدی بیزه

زندگینامه سی دیباچه غیرتدی بیزه

خانمون مجلس یاسی ائله جنتدی بیزه

نقدر واردی توان تنده دئنن یا زینب

حضرت مهدی دئیوب سنده دئنن یا زینب

*****

کیمدی زینب سوزی کسدی ستم ریشه سینی

سعی ائدوب قارداشینون نشر ائده اندیشه سینی

سیندیروب سنگ جفاگر چه ئورک شیشه سینی

او زمان باخمادیلار گوزدن اخان گوز یاشینا

ایندی اما دولانور قبرینون عالم باشینا

*****

شهر شاماتی بو مجلسده گورن اولسا اگر

دئدیگیم نکته نی حتما اودا تائید ائلیر

دولت باطلی . دست حق ائدوب زیر و زبر

پوزولوبدور اموی زاده لرون دبدبه سی

تیتره دور ایندی ده شامی خانمون اودلی سسی

*****

کیمدی زینب اسرا لشکرینه سر دسته

کیمدی زینب ئورگی جبر زماندان خسته

عاقبت شامه فلک گتدی اونی جان اوسته

غربا باغی وطن اولدی جلای وطنه

جان وئرنده بئله سویلردی شه بی کفنه

*****

برج غمده دولانان کوکبه اخر گئجه دور

از قالور دینجله تاب و تبه اخر گئجه دور

هارداسان قارداش حسین . زینبه اخر گئجه دور

گوزلریم یولدا قالوب دادیمه یوخدور گلنیم

ای حصیره بوکولن یوخدی منیمده کفنیم

*****

من سنون دامنی اللرده قالان زینبووم

کاخ ظلم و ستمه لرزه سالان زینبووم

قانلی پیراهنی دشمندن الان زینبووم

قامتین بار مصیبتلر اگن زینبووم

باشون اوسته باشینا قمچی دگن زینبووم

*****

قیزلارون غملرینی جانیمه الدیم قارداش

کاش بیلردون نه یامان گونلره قالدیم قارداش

سن ئولندن صورا بیر گونده قوجالدیم قارداش

گئجه لر اغلامیشام من سنه اولدوزلاریلان

قمچی التیندا حسین وای دئمیشم قیزلاریلان

*****

الله عالمدی ئوزی هر گئجه گوندوزلریمه

اوچ یاشیندا بالا شاهددی منیم سوزلریمه

ائل یاتاندان صورا گلموردی یوخی گوزلریمه

صبح اولونجا گئجه لر غصه چکوب غم یمیشم

بالا قیزلار یاتیشاندان صورا نوحه دیمیشم

*****

اللی ائیل هر نه بلا گلدی منه یوخ دئمدیم

قمچی دگدی باشیما صبر ائلدیم اوخ دئمدیم

غملریمدن نه دئسم از دئمیشم چوخ دئمدیم

سالدی دیلدن منی اخرده حسین دیل یاراسی

قولدا قمچی یری وار باشدا دا محمل یاراسی

*****

شامه گل اکبر و قاسمله منی یاد ایله

شهر غربتده ادامسیز باجووی شاد ایله

غم الیندن یورولان روحیمی ازاد ایله

باشیمون اوسته اوتور مست وصال ایله منی

خدمتیم ازدا اگر اولسا حلال ایله منی

*****

رحمی گلمور فلکین گوزدن اخان گوز یاشیما

بش یاشیندان ائله سالدیم قره معجر باشیما

قلبیده واردی گلایه اوجا بوی قارداشیما

اینجیدور قوللاریمی ایندی ده قمچی اجیسی

تک ئولور شامیده غیرتلی ابوالفضل باجیسی

*****

هارداسان قارداش ابوالفضل ئورگون داغلیاسان

باشیم اوسته اوتوروب باشه ووروب اغلیاسان

بیلورم یوخدی قولون گوزلریمی باغلیاسان

گوزومی باغلاماسوندا ئوزووی شامه یتیر

باشیمون اوسته رقیه بالامی فوری یتیر

*****

او قیزیلا گئجه لر صبحه کیمی اغلامیشام

ماتمینده هامودان چوخ من ئورک داغلامیشام

جان وئرن لحظه سینمده گوزونی باغلامیشام

باشیمون اوسته اچوب باشینی اوخشار اغلار

گوزومی عمه سی قربانی رقیم باغلار

**********

اثر قریحه اقای محسن باکفی

***************************************************

بحران عطش (بسته شدن راه فرات)

**********

کربلاده سو یولی باغلانور الله بو گئجه

ال پیغمبر عطشدن یانور الله بو گئجه

*****

گینه سالدی سو سوزی دللره عباسین ادین

اورگدور اهل حرم اصغره عباسین ادین

سسلنوللر چاغیرون بیر بیره عباسین ادین

ال پیغمبر عطشدن یانور الله بو گئجه

*****

نهر علقم او طرفده اخوری ئوز باشینا

ال هاشم بو طرفده بویانوب گوز یاشینا

تاپا بیلمور سو رقیه صود امر قارداشینا

ال پیغمبر عطشدن یانور الله بو گئجه

*****

کیم گوروب نامه یازانلار سویی کسسون قوناقا

بارماقین خورداجا قزلار قویوب عطشان دوداقا

ساقی تشنه لبان باشینی سالمیش اشاقا

ال پیغمبر عطشدن یانور الله بو گئجه

*****

گلستان قالسا سوسوز غنچه صولار گل سارالار

چاره یوخ عترت طاها گرک عطشان قالالار

بیر بیرین خیمه سقاده قوجاقلور بالالار

ال پیغمبر عطشدن یانور الله بو گئجه

*****

قلبلر قانه دونوبدی نیه دونمور قانا سو

خیمه ده گوز یاشی اخدیقجا اخور هر یانا سو

عمه سو . باجی سو . سسلور بالالارسو . انا سو

ال پیغمبر عطشدن یانور الله بو گئجه

*****

کبریا اهلی لب عطشان . سو ایچور اهل ریا

ایلمور فاطمه دن کوفه و شام اهلی حیا

هشتم ماه محرمدی قیامتدی و یا

ال پیغمبر عطشدن یانور الله بو گئجه

*****

هاردادی ساقی کوثر ائده بو مشکلی حل

الینوب تحت نظر دایره خیمه و تل

زور و زر بنده لری قویمادیلار دینه محل

ال پیغمبر عطشدن یانور الله بو گئجه

*****

برگزیده از کتاب اوای کلامی

************************************************

زبانحال امام در شهادت طفل شیر خواره حضرت علی اصغر (ع)

محرم رازیم الله - بنده نوازیم الله

اولدی الیمده پرپر - غنچه ی نازیم الله

صود امر بالام - قانه باتوب یارالیدی

اوخلی قربانیم - فاطمه نین مارالیدی

الله الله - الله الله

******

اولدی بو نازدانه - اوچ پر اوخا نشانه

داغلی اورکله سپدیم - قانینی اسمانه

قانی بوغازدان اخدی - گوزلری عرشه باخدی

یعنی یوخ التماسیم   دشمن بی امانه

ایچدی اوز قانین - باخمادی نهر علقمه

چالدی ال ایاق - سالدی ربابی ماتمه

الله الله - الله الله

******

دوشدی بالام فشاره - اولدی بوغازی یاره

بو یارالی شهیدیم - تحفه دی بزم یاره

ایلدی شیر خواره - سینه می گاهواره

یات دئدیم ای عزیزیم - اچما گوزون دوباره

یومدی گوزلرین - سینه سی داغلی اصغریم

گئتدی جنته - اللری باغلی اصغریم

الله الله - الله الله

******

حرمله گلدی جنگه - قلبی دولاندی سنگه

گوردی مقابلینده - گولدی بالام خدنگه

باخدی منه دوباره گولدی بو روزگاره

یعنی باش اگمز عاشق - ذلت و عار و ننگه

قوزادی بالام - پرچم ال هاشمی

اکبریم کیمی - اضغر اوجاتدی باشیمی

الله الله - الله الله

******

برگزیده از کتاب نوای حاج ولی الله کلامی زنجانی فرد

*****************************************************

گینه گتدیم گوزومون یاشینی بازاره حسین ***** ساتورام سن کیمی بیر خیبره خریداره حسین
باشیمون اوستونه گل قبریمین اول گجه سی*****سنی آندا ورورم قولسوز علمداره حسین
--------------------------------------------------------------
گلمیشم دیلده اولان دردیمی من یاره دیم ******** یاریمه مشگولومی من اورگی یاره دیم
من دخیلم اوجا بوی باب الحوائج آقاما ********** گلمیشم دردیمی من قولسوز علمداره دیم
---------------------------------------------------------------
ای حسینی غمیلن دردی قوجالدان عباس ******** گلمیشم حاجتیمی تا منه بیچاره دیم
دوت الیمنن سنی زهرا..آقالیق ایله آقا ********** کمک ات مطلبیمی من سنه همواره دیم
سن کی عالم قاپوا حاجت وامداده گلور *********** نه روادی سوزومی من گدیب اغیاره دیم؟
ای اولان ام بنینین گولی انصافیدی گور؟ ********* گول قالا من گدیب ئوز مطلبیمی خاره دییم!!
---------------------------------------------------------------------
سوروشیلار کیمه دیسن غمیلن مشگولوی؟ ********* دیورم دردیمی عباس وفاداره دیم!!!
باشوا من دولان ایلمه شرمنده منی ********** من کی هر یرده سنی دردلریمه چاره دییم
آغلارام تا نقدر واردی جانیم محنتوه ************ اگمیشم باشیمی دنیاده عظیم شوکتوه
سنی اوچ پر سوون اوستونده خجالت اتدی ******** آنون الآندا یانار نهریدکی خجلتوه
ددون آلاه بالالار حالی پریشان قالدی ******** وای جانیم وای صودامر اصغریم عطشان قالدی
------------------------------------------------------------------------
کربلا عشقینه یاردیم نچه ایلر باشیمی ************ باشیمین قانیله درمان ایلدیم گوز یاشیمی
بیزه بیگانه مرام اوسته ددی دیوانه ************* شور عشقی نه بیلورفاصد اولان بیگانه!!
بیز عاشقه دیوانه ممتازه حسینوگ *************** ایراد المه بیزدره سرباز حسینوگ
البته حسین عشقینه جانان کچروگ بیز ********** باش یارماقینان قرمزی قانان کچروک بیز
باش یارماقا ایراد المه بیل ندی مطلب ********** محمیلده یاروب باشینی زهرا قیزی زینب
یار باشوی اصغر یاریلان باشلارا خاطیر ******** قان یاره سین اوستونده توکولمیش داشا خاطیر
--------------------------------------------------------------------
آدون سر دفتره غیرت دی عباس ********* اوزن قولار سنه زینتدی عباس
باجون زینب جانی یوخدور علاجیم ************ ابالفضل سسدمگ عادتدی عباس
--------------------------------------------------------
آقاجان حاجتیمیز واردی روا استیروگ ******** دردیمیز چوخدی شه حکمه شفا استروگ
دمورم مکه و میقات و منا استیروک **********یوخ آقاجان.. آندولا زینبه بیز کرب بلا استیروگ
ای اولان قولاری تنن قلم عباس دخیلوگ *********باغلانیب قول قولا اهل حرم عباس دخیلوگ
زینبون زولفی بویاندی قانا یا فاطیمه گل *****************گدی قارداشلاریم الدن آنا یا فاطیمه گل
ای دست دل رباسی مشگیل گشا ابالفضل ************* دست گره گشایه جانار فدا ابالفضل
ای دردمند مسگین گل سنده گاه گاهی ************** اتسون سنه مداوا بو عالمون پناهی
رزق گدا آزاتماز مجموع گنج شاهی ******** کوه سخاوتینن کاهی دره کاهی
رحمت یاغارسمادن اتسوز دعا ابالفضل
ترکان آذریده بیر عده قلیلی *********** یاد ایلر آند ایچنده بو ماه بی بدیلی
اولسون قسم او شخصه معجزده ویردی سیلی ************** اعجازیلن چراغان اتدی او اردبیلی
بیر بینوا دمیشدی صیدقیله یا ابالفضل
خنجریم تیترمه تاب ایله بیر آز ***************** باشیمون اوسته شتاب ایله بیرآز
من سنی آلمیشام الماس آدینا ************* دیسن باشیمه عباس آدینا
 
 
**********************************************************

بله‌شیب قانه عجب زۆلف-ی-پریشانین اوْغۇل

اوْلا کۆل باشینه سنده‌ن سوْرا دونیانین اوْغۇل

 

سنیدین زینب‌یمین مطلب-وْ-منظوری علی

قوْیدۇن آغلار گؤزیله یاخشێ اوْ رنجوری علی

دۇر گئده‌ک خئیمه‌یه ای گؤزلریمین نوری علی

گؤزۆ یوْللاردا قالێب خئیمه‌ده لئیلانین اوْغۇل

 

سنی لب‌تئشنه شهید ائیله‌دی بۇ قوم-ی-عدو

گۆلشن-ی-جیسمیوه وئردی دم-ی-پئکانیله سۇ

منده ایندی ائده‌ره‌م قانیله تجدید-ی-وضو

قارێشێر قانیمه بۇ چؤلده قێزێل قانێن اوْغۇل

 

مرحبا عئشقیوه ای شبه-ی-رسول-ی-مدنی

ائتمه‌دین محضر-ی-جانانیده شرمنده منی

یاخشێ الوان ائله‌دین قانیله بۇ گۆل بدنی

سرو تک دۆشدۆ یئره سرو-ی-خرامانین اوْغۇل

 

محفل-ی-قُربیده اؤز جیسمیم اوْلۇب غیر منه

کوفه دن شامه وئریر جذبه‌ی-ی-حقّ سئیر منه

بۇ کئشا-کئشده علی منزل اوْلۇر دِیر منه

اوج ائده‌ر ناله‌سی افلاکه مسیحانین اوْغۇل

 

سینه‌می ناوک-ی-درد-ی-غمه آماج ائده‌ره‌م

زینبین طاقت-وْ-آرامینی تاراج ائده‌ره‌م

منده بۇ چؤلده کسیک باشیله مئعراج ائده‌ره‌م

قاب-ی-قوسینیم اوْلۇر طاقی کلیسانین اوْغۇل

 

سن وفا گۆلشنی‌نین بیر گۆل-ی-نورسته‌سی‌سن

شُهدا دسته‌سی‌نین عئشقیده سردسته‌سی‌سن

اوْلمۇیا من کیمی بیر سئلسله پابسته‌سی‌سن

نیگران‌دیر گؤرۆره‌م دیده‌ی-ی-گیریانین اوْغۇل

 

نوش قێلدێن ره-ی-جاناندا بلا جامی علی

چکه‌جکدیر بۇ ایشین شامه سرانجامی علی

بیرجه آچ گؤزلرین ای قلبیمین آرامی علی

گؤر نه احواله سالێب‌دێر منی هیجرانین اوْغۇل

 

نور-ی-دیده بۇ کمان قدّیمه بیر ائیله نظر

تیر-ی-آهه یارالێ سینه‌می چوْخ ائتمه سئپه‌ر

تؤکمه‌سه زینب-ی-مظلومه اگر اشک-ی-بصر

یاندێرار عالمی آه-ی-دل-ی-سوزانین اوْغۇل

 

ای اوْلان سرو-ی-قدی زینت-ی-مئیدان-ی-بلا

کعبه‌ی-ی-وصلیده قێلدێن نه گؤزل سعی-وْ-صفا

ائیله‌دین جانیوی مین شوقیله جانانه فدا

درگه-ی-حقّیده مقبول اوْلا قۇربانێن اوْغۇل

 

آغلا صرّافیله بۇ مجلئس-ی-ماته‌مده ریضا

گؤز یاشێن خرج اوْلۇ گؤهر یئرینه روز-ی-جزا

آه اوْ دمده‌ن بۇیۇرۇب اوْغلۇنا شاه-ی-شُهدا

بله‌شیب قانه عجب زۆلف-ی-پریشانین اوْغۇل

**************************************

حسینـه یرلـر آغـلار گویلـر آغلار


بتـول و مرتضـی پیغمبـر آغـلار


اولـوب مـاتم‌سـرا عالــم حسینـه


محّرمدور بـو عالـم یکسـر آغلار


قالوبـدور ماسـوا صبـرینده حیران


باخار قان چشم چرخ اخگر آغلار


غبـار غم دوتـوب کـون و مکانی


باتوب یاسه هامی خشک و تر آغلار


دوتـوب افلاکیــان مـاتم حسینه


امیــن وحـی پیـک داور آغـلار


چکـوب بنـده فراتـی آل سفیـان


بو غمـده سلسبیـل و کوثر آغلار


سوسوزلار ناله‌سی دوتموش فضانی


عطشـدن اهـل‌بیت حیـدر آغلار


دیـر لیلا خیمده وای اوغول وای


آلار سس رزمگهـده اکبـر آغلار


فرات اوسته دوشوب بر سرو قامت


باشـی اوستـه شـه بی‌یاور آغلار


علمـدارون قـولی تنـدن دوشنده


علم آغلار شه آغلار لشگر آغلار


تاپولمور سس ویرن بیکس امامه


بشیگـده العطشـدن اصغر آغلار


ایـدر تأثیـر آهـی داغــه داشـه


امامـه سـرسپـاه بی‌سـر آغـلار


باخـار قیـزلار یانار احوال شاهه


نواسینـدن هامی بحر وبر آغلار


داغـلمش چــوللره آل پیمبــر


ابوالفضلـی هرایـه سسلر آغلار


بنـات فـاطمـه یــا حجـت‌الله


قالوب دشمن النده مضطر آغلار


اولوبدی «خازنین» روز ازلدن


حسین آدی دلنـده ازبـر آغلار

 

شاعر:مرحوم عبدالحسین خازن

*******************************************

 

این نوحه بنا به درخواست دوستان در سایت قرار داده شده است

نوحه شهادت علی اکبر (ع) زبانحال امام حسین (ع)

گل اکبریم بویاندی  - قانه مناده زینب

بو پاره پاره نعشین – گتدیم عباده زینب

نعشین قوم اوسته تاپدیم – فکر ائت نه حاله قالدیم

دوشدوم یئره سوروندوم – باشین دیز اوسته آلدیم

هی سسلدیم اوغول وای – ناله سپهره سالدیم

سس وئرمدی سسیمه – میداندا باشه چالدیم

قویدی منی اوغولسوز – بو شاهزاده زینب

گوردوم عمامه سیندن – شهلا گوزه سوزورقان

بیلدیم ووروبلا یاره – باشدان بو قوم عدوان

باخدیم او باشه ویردیم – باشیمه ائتدیم افغان

گوردوم قیلیج یاراسین – چخدی آتام یادیمدان

بودرده یاندی قلبیم – اوندان زیاده زینب

دگمیشدی بسکه یاره – بو قامت رسایه

اعضاسی پاره پاره – دوشموشدی بو منایه

علت اودور کی نعشین – بوکدوم بئله عبایه

تف روزگاره  ، لعنت بو لشگر جفایه

دوشدوم عجب بلایه – بو کربلاده زینب

قانه دونوب سرشگیم – قلبیم جراحتیندن

باجی امان بو قومون – طعن و شماتتیندن

چکدوقجا اکبریمون – اوخ سرو قامتیندن

من آغلادیم بو لشگر- گولدی شقاوتیندن

هئچ اولمادی مروّت – قوم جفاده زینب

 

باجی اوزون خبر وئر – لیلای دلفکاره

کشف ائت بو ماجرانی – رمزاً او  بیقراره

سن دوت دیله دانیشدیر – لطفیه آل کناره

سالسون رقیه بیردن – لیلاباشینه قاره

گلسون اوغول غمینده – فریاد و داده زینب

اجرکم عندا....

 *******************************

 

شهامت حضرت زینب (س)

نکهت گلزار عزت زینبون آدینده دی

وسعت بانگ شهامت نای و فریادینده دی

صولت خون ولایت  قلب ناشادینده دی

زینبه دیل باغلیان دنیاده عزتمند اولار

جام عشقین باشینه کیم چکسه غیرتمند اولار

گوز آچان گوندن شجاعت لحم و بنیانینده دی

بیر خانم دور کی علینین غیرتی قانینده دی

مرتضی تک آسمانلار تحت فرمانینده دی

عرشیده دلبند زهرا نون اقامتگاهی وار

یردن آرتوخ زینبون گویلرده خاطرخواهی وار

روحی وسعتلی سما، خورشید مشکاتینده دی

شیر پنجه اللرون تصویری مرآتینده دی

جرات و جهد و جسارت زینبون ذاتینده دی

خلق ائدن خلقینده فرصت یوخ دیئم من نیلیوب

زینبی الله خلاصه ، قهرمان خلق ائلیوب

هیبت سیمای حمزه ، غملی سیماسینده دور

غرش نای ابالفضل ، صوت غراسینده دی

ذوالفقارون قدرتی ، الفاظ گیراسینده دی

زینبی الله نه تنها بیر دلاور خلق ائدوب

هم دلاور ، هم هنرور ، هم سخنور خلق ائدوب

انبیا افکاری یکسر مغز باهوشینده دی

قادریت رتبه سی الان دا سر دوشینده دی

جوشش آتشفشانلار خون پر جوشینده دی

آخدی باشیندن دیور راوی نجه قان کوفه ده

آند اولا خون حسینه قوپدی طوفان کوفه ده

اسکتوا سسلندی قاچدی چهره لردن رنگلر

تک نه اینکه ساکت اولدی خلق بی فرهنگیلر

ناقه لر بوینوندا حتی دوشدی سسدن زنگ لر

همهمه یاتدی سوزون حیدر کیمی روشن دیدی

نیزه اوسته قانلی  باشلار زینبه احسن دیدی

ال چالوب غرا چکن اوباشی تحقیر ایلدی

کوفه فرمانده لرین خوار و زمین گیر ایلدی

در حقیقت کوفه شهرین گلدی تسخیر ایلدی

تارک تاریخیده یازدی حسینیم زنده دی

حشر اولونجا کربلانون پرچمی پاینده دی

قلب ناپاک عبیداللهه دوشدی ولوله

ایستیوردی زینبون بیر جور الیندن دینجله

کاسه لیسان پلیدین سسلدی تهدیدیله

ویردی فرمان کوفه ده آل علی چوخ قالماسون

بوندان آرتوخ شهره پیغمبر قیزی اود سالماسون

هیچ اسیره اوخشامور ، سردار نام آوردی بو

تک باشا حس ایلورم من ، بیر قوی  لشکردی بو

تا دیل آچدی صحبته فکر ایلدیم حیدردی بو

بنذیور سیل خروشانه ، قاباقین سد ائدون

بو بلای خانمانسوزی باشیمدان رد ائدون

تا خبر گلدی ابالفضل ئولدی من ذوق ایلدوم

جشن پیروزی قوروب اجلالیمه شوق ایلدیم

کوفه ده حس غرور و شوق مافوق ایلدیم

بیلمیوردوم هیچ قاباقدا باشیمون غوغاسی وار

بیلمیوردوم هیچ حسینون آیری بیر عباسی وار

هیچ ایله بول کربلاده ئولمیوب قارداشلاری

داشلیوردی کوفه اهلی نیزه اوسته باشلاری

خطبه غراسی توکدوردی اتکدن داشلاری

عین صحبتده ایلیکی سسلدی ایوای ننه

داش آتانلار یکسره آغلاشدی گلدی شیونه

ئولدوروبسوز فخری وار عباس والا منصبی

بعد از آنکه دوغرادوز یتمیش ایکی عطشان لبی

قمچی آلتیدا  گرک سیز ئولدوریدوز زینبی

چوخ زمان چکمز بو زینب عالمی مبهوت ایدر

سلطنت تختین یزیدیلن منه تابوت ائدر

تا نه قدری مرتضانون قهرمانی زنده دی

آل سفیانه حکومت جاده سی لغزنده دی

خطبه سین گوردوم علیدنده بتر کوبنده دی

مرتضی ، بوینون ویراردی ظالمون  شمشیریلن

زینبی  اما وررور گردنلری  تکبریلن

باشلیا مجلسده قبل از اینکه غرا صحبتین

تا منه ساری دولاندیردی غضبلن صورتین

چهره سینده واقعا گوردوم علینی هیبتین

عنقریب اولدی کتاب آرزومی قاتدییا

رعشه دوشدی جانیمه آز قالدی باغریم چاتدئیا

آل طاهایه ویروب حق منطق برنده نی

پیش بینی ایلورم من ایندیدن آینده نی

ئولمسه ایتسه تحمل محنت سوزنده نی

شامه سالم چاتسا گر ، هند اوغلونون نظمین پوزار

تک یزیدین یوخ،  امیه نسلینون قبرین قازار

الغرض آلدی علینین غصب اولا پاتختینی

کوفه نون خوار ایلدی اول زاده بدبختینی

باشینه مزدور دربارون چووردی تختینی

آل اطهاره خانم عز و شرف کسب ایلدی

کوفه بامینده حسینون پرچمین نصب ایلدی

حبل غیرت گردن شامه دولاشدی کوفه دن

شامه پرچم ویرماقا زینب یول آشدی کوفه دن

سیل ویرانگر کانه شامه داشدی کوفه دن

روز وشب طی ایلدی شامون بلالی یوللارون

قمچی لر یوللار بوئی سالدی قوادن قوللارون

یول نه یول ، ایکاش او یولدان هیچ مسافر گورمسون

هیچ مسلمان شام یولون زهرایه خاطر گورمسون

دردینون داغلار دل دنیانی ،  تک بیش عمه سی

حضرت مهدی بولور یولدا نه چکدی عمه سی

بیر سوزوم وار راه شامون دردینون معیاریدی

یول هله قالسین تیکانلیق یا کی ناهمواریدی

آل اطهارین ز بس احوالی رقت باریدی

استراحت وقتی با هم توپلاشیردی ناقه لر

سس قوشوب بی کس ربابه آغلاشوردی ناقه لر

دلسیز حیوانلار دیوللر بیر بیره ائمائیله

ایتمیشوک حمل مسافر عمروموزده بیر بیله

هیچ بولار تک گورمه میشدوک بیز آدامسیز قافله

بار الها بو بلالی کاروان هاردان گلور

آغلیان وقته بولار  گویدن یره افغان گلور

دام صیاده دوشن جیرانه اوخشوللار بولار

خانه بر دوشان سرگردانه   اوخشوللار بولار

اوغلی قارداشی ئولن انسانه اوخشوللار بولار

کیمدی بو غمدیده لر محنتلری باشدان داشور

وا حسین وا سسلننده قانلی باشلار آغلاشور

درد دل ایلوردی هرکس نیزه ده بیر باشیلن

هر ننه اوز غملی اوغلیلان ، باجی قارداشیلن

قان آخوردی ، سینمیشیدی بعضی باشلارداشیلن

اکبره لیلا باخان  وقتده  دیوردی جان بالا

پارچالانمیش باشیوه ویلان ننه نن قربان بالا

ایلیوب روشن یولی نور جمالون گون کیمی

اشگلیلر گوزدن  فراقونده آخور جیحون کیمی

دوشموشم باشون دالیجا چوللره مجنون کیمی

در هم اولموش باشیوون زیبا نماسی، آخ بالا

هی باخورسان عمموه ، لیلایه ده بیر باخ بالا

بی جهاز اشترلره  مینمیشدی زهرا قیزلاری

حددن آرتوق یورقونیدی ، سینموشدی تارو پودلاری

یوخلاشیردی ناقه لر اوستونده یورقون گوزلری

هی اوشاقیدی گوروردون کی سوروشدی ناقه دن

آغزی اوستونده تیکانلیق یرده دوشدی ناقه دن

آغزی اوسته کیم یخیلدی ، دوشدی علقم یادینه

 

 

 

 *****************


 

سحر اولدوزوم اکبر

علی جان بالا لبیک    لب عطشان با لا لبیک

سسون خیمیه گلدی       هایاندان بالا لبیک

ملک فطرتیم اکبر       قمر طلعتیم اکبر

دایان گلدیم هرایه       من الان بالا لبیک

خانیم زینب ائشیدی     حسیندن بو صدانی

دئدی فاش ائله قارداش     منه بو جریانی

دوشن مشگوله کیمدی    خطرگه دو جانی

ائدورسن بو ندانی   علی جان بالا لبیک

علی جان بالا لبیک    لب عطشان با لا لبیک

سسون خیمیه گلدی       هایاندان بالا لبیک

حسین تلیدن اندی      او میدانی بلایه

سالیب گوردی قیلیج لار   علی اکبره سایه

انور باشلارون اوستن    قیلیج قالخور هوایه

خطاب ائیلدی حضرت  اوغول گلدیم هرایه

قوشون قاشدی قاباخدان   حسیندن آرالاندی

ائدیب قیضیله حمله   صداسی اوجالاندی

آت اوستن اوزون اول شاه آتوب باخدی دایاندی

دئدی وای بالا یاندیم  سسه اکبر اویاندی

حسین هر قدم آتدی  یخیلدی گئنه دوردی

نئجه دست جفا گر علی ریشه نی قیردی

علی جان بالا لبیک    لب عطشان با لا لبیک

سسون خیمیه گلدی       هایاندان بالا لبیک

دیزی اوستونه آلدی   اوغول باشین اوتوردی

یوزین قویدی یوزینه   ائدون ناله بیوردی

نه تئز اولدی غروبین  سحر اولدوزوم اکبر

گوزون آچ منه بیر باخ  حسیندور سنی سسلر

علی جان بالا لبیک    

 

 

 
ارسال نظر برای این مطلب
این نظر توسط بهزاد در تاریخ 1396/8/26 و 22:35 دقیقه ارسال شده است

اجرکم عند الله
واقعا دست گلتون درد نکند
شما احوالات تنور خولی ( منزل عشقون عجب روشن و زیبادی حسین جلوه سی عالم لاهوته هویدادی حسین ) را دارید ؟ اگه داشته باشید خیلی ممنون میشم

این نظر توسط مهدی علیزاده در تاریخ 1396/5/17 و 17:06 دقیقه ارسال شده است

خیلی خیلی عالیه لطفا نوحه های زنجیر زنی و سینه زنی شکر بسیار بزارید👍👍

این نظر توسط هیئت فرهنگی مذهبی قمر بنی هاشم مرند در تاریخ 1396/3/27 و 10:53 دقیقه ارسال شده است

سلام . وبلاگ خوبی دارین. من خیلی ازش استفاده کردم. به وبسایت ما هم سری بزنید.
http://www.gamarbanihashem.com/
دوست داشتین لینکوم کنین بعد اطلاع بدین ما هم شما رو لینک کنیم.

این نظر توسط حسن بابایی در تاریخ 1395/10/13 و 17:50 دقیقه ارسال شده است

سلام اجرکم عندالله دست شما درد نکنه زحمت این اشعار زیبا را می کشید و ما از آنها استفاده می کنیم خواهش مکنم اکه ممکن هست براتون اشعار جدی ترکی اضافه کنید

این نظر توسط محمد در تاریخ 1395/8/8 و 0:22 دقیقه ارسال شده است

واقعا عالیا
پاسخ : سلام ممنونم

این نظر توسط نادر در تاریخ 1395/7/23 و 13:49 دقیقه ارسال شده است

سلام متن نوحه گل زینبیم یوبانما اوخلاندی شیر خواریم رو بزارین ممنون

این نظر توسط میثم در تاریخ 1395/7/16 و 23:14 دقیقه ارسال شده است

سلام دستتون درد نکنه
اگه ممکنه متن نوحه » الله اکبر باتیب اکبر قانا « رو برام تو ایمیلم بفرستید
ممنون میشم

این نظر توسط Armin در تاریخ 1395/7/12 و 21:43 دقیقه ارسال شده است

با عرض سلام و خسته نباشید اگه مشکلی نیست نوحه های شور که در شاه حسین میخونن بزارید ممنونم.ازاسکو

این نظر توسط سجاد در تاریخ 1395/7/3 و 19:31 دقیقه ارسال شده است

سلام لطفا متن نوحه ( من اذن میدان سال یولا سقانی قارداش ) را منتشر کنید

ممنون

این نظر توسط rahman ayami در تاریخ 1395/6/7 و 12:49 دقیقه ارسال شده است

سلام با عرض تقدیر و تشکر از متن های خوبی که زحمت کشیدن گذاشتی اگه ممکنه بیشتر بذارین


نام
ایمیل (منتشر نمی‌شود) (لازم)
وبسایت
:) :( ;) :D ;)) :X :? :P :* =(( :O @};- :B /:) :S
نظر خصوصی
مشخصات شما ذخیره شود ؟ [حذف مشخصات] [شکلک ها]
کد امنیتیرفرش کد امنیتی
نظرات

تبلیغات
Rozblog.com رز بلاگ - متفاوت ترين سرويس سایت ساز
درباره ما
Profile Pic
بنده حقیــر این سایت را در مــــــاه رمضان سال 1391 خورشیدی بــه لطف خداونـــــد منان در قالب امام عــــــلی (ع) راه اندازی کردم . امید است بتوانم رضایت هموطنـان عزیز را جلب کنــــــم هدف بنده ارائه مطالب روز کامپیوتر و نیز آشنایی با روستای زیبای گل آباد شبستر معرفی سایت های مذهبی و مناسبت ها است .
اطلاعات کاربری
نام کاربری :
رمز عبور :
  • فراموشی رمز عبور؟
  • نظرسنجی
    آیا تا بحال به روستای گل آباد رفته اید


    اینترنت پرسرعت

    آمار سایت
  • کل مطالب : 135
  • کل نظرات : 186
  • افراد آنلاین : 1
  • تعداد اعضا : 42
  • آی پی امروز : 5
  • آی پی دیروز : 18
  • بازدید امروز : 31
  • باردید دیروز : 21
  • گوگل امروز : 1
  • گوگل دیروز : 6
  • بازدید هفته : 77
  • بازدید ماه : 632
  • بازدید سال : 2,046
  • بازدید کلی : 201,849
  • کامپیوتر دلیران

    برای مشاهده فیلم های مربوط به

    روستای گل آباد

    کافی است روی آدرس ذیل کلیک کنید .

    http://www.aparat.com/daliran